Rundles dhe Veseli, mjaftojnë për Kumanovën

Peja ia ka shkaktuar humbjen e parë në fazën e dytë grupore skuadrës së Kumanovës.

Verdhezinjtë e kanë mposhtur me rezultat bindës rivalin e tyre, derisa dyshja Rundles-Veseli, e kanë kryer më shumë se gjysmën e punës, në shënimin e pikëve për Pejën.

Të dy së bashku shënuan 47 pikë, apo më shumë se 2/3 e pikëve të Kumanovës.

Mysafirët ishin më të mirë se Peja vetëm gjatë çerekut të parë, të cilin e përmbyllën me 4 pikë epërsi, 15-19.

Në çerekun e dytë Peja morri hov me 13 pikët e njëpasnjëshme të amerikanit Cameron Rundles, i cili shënoi plot 4 trepikësha gjatë kësaj periudhe.

Loja e mirë e Pejës vazhdoi edhe në çerekun e tretë, ndërsa rolin e liderit e morri Alban Veseli, i cili deri në këto çaste kishte përqindje katastrofale duke dështuar nga 8 tentime nga loja.

Megjithatë Veseli e morri veten dhe në çerekun e tretë shënoi 13 pikë, për t’ia mundësuar shkëputjen në rezultat skuadrës së Pejës.

E kjo epërsi ishte pamundur të përmbyset nga ana e Kumanovës, e cila u desh të pajtohet me humbjen në Karagaç.

MË TË DALLUARIT

Rundles ishte koshashënuesi më i mirë i ndeshjes me 25 pikë të shënuara, ku prej tyre 19 i shënoi vetëm në çerekun e tretë.

Atë e ndjeku Alban Veseli me 22 pikë, por me përqindje shumë të dobët të shënimit, për shkak të dështimeve të shumta gjatë pjesës së parë.

Në anën tjetër, te Kumanova më i miri ishte organizatori amerikan, Yonel Brown, që shënoi 19 pikë dhe pati 4 asistime.

Vlen të ceket se për Pejën në këtë ndeshje debutoi edhe përforcimi i ri, Slobodan Miljanic.

GJENDJA AKTUALE NË GRUP

Peja tani ka bilanc të barabartë mes fitoreve dhe humbjeve, sikurse edhe Teodo, e cila e mposhti sot Karpos Sokolin.

Kurse Kumanova, pavarësisht kësaj humbjeje, vazhdon të kryesojë në grup me 3 fitore e 1 humbje.

TABELA AKTUALE

Peja ndeshjen e radhës e luan më 22 shkurt, ku përballë do ta ketë përsëri Kumanovën, por kësaj radhe kjo e fundit do të jetë nikoqire.

PEJA

KUMANOVO