Rusi, Bakaj e Ramadanaj, pezullohen nga garat e FFK-së

Tre akterët kryesorë të incidentit në ndeshjen Gjilani-Liria, Gzim Rusi (futbollisti i Gjilanit), Bekim Bakaj (ndihmëstrajner i Lirisë) dhe Fisnik Ramadanaj (futbollist i Lirisë), janë pezulluar nga garat e FFK-së deri në vendimin përfundimtar të Komisionit Disiplinor.

Në minutën 18’ të ndeshjes Gjilani-Liria, e goditi qëllimisht futbollistin e Lirisë, Albin Memaj, ndërsa kjo situatë e acaroi pankinën e Lirisë, ku ndihmëstrajneri Bakaj dhe futbollisti Ramadanaj reaguan duke bërë fyerje dhe ofendime në drejtim të Rusit dhe gjyqtarit të ndeshjes.

Si pasojë, që të tre u ndëshkuan me karton të kuq dhe u përjashtuan nga ndeshja, ndërsa tani kjo treshe është pezulluar nga garat e FFK-së deri në vendimin përfundimtar.

Gjithashtu, në njoftimin e Komisioni Disiplinor, thuhet se janë kërkuar raporte dhe deklarata plotësuese nga zyrtarët e klubeve dhe gjyqtarëve të ndeshjes, për t’u dhënë vendimi përfundimtar.