SAMPDORIA-JUVENTUS
Foto: sampdoria official
Samp triumfon ndaj Juves që u zgjua vonë
19 November, 2017 @16:55
Sampdoria ka shënuar fitore ndaj Juventusit kampion në Marassi, duke ia shkaktuar humbjen e dytë të stinorit bianconerëve sot.
Ekipi i drejtuar nga Marco Giampaolo, pas pjesës së parë 0-0, ka nisur furrishëm pjesën e dytë dhe brenda 30 minutave kanë shënuar 3 gola, për epërsinë 3-0.
Kjo nuk ndali Juventusin, që provoi këndelljen. Por, zgjimi i djelmoshave të Max Allegrit ishte i vonshëm. Golat e Gonzalo Higuainit dhe Paulo Dybalës, në kohën shtesë vetëm zbutën humbjen, 3-2.
Sampdoria shënoi fitoren e tetë të stinorit dhe tash ka 26 pikë, duke qëndruar fortë në pozitën e gjashtë, pasi që pas tyre Milan si i shtati ka vetëm 19 pikë aktualisht.
