‘Paqe’ në Madrid, -10 nga kreu

Përkundër faktit që ndeshja ishte tejet e ashpër dhe që të dyja skuadrat e kërkonin fitoren, derbi i parë i Madridit i zhvilluar në ‘Wanda Metropolitano’ është mbyllur pa fitues.

Si zakonisht, ndeshja ishte e tensionuar, kishte shumë ndërhyrje, shumë kartonë të verdhë, madje kapiteni i madrilenëve, Sergio Ramos, u largua nga loja pas 45 minutave për shkak të thyerjes së hundës, gjë që u konfirmua nga klubi madrilen me të filluar pjesa e dytë. Pavarësisht të gjithave, gola nuk pati dhe skuadrat u detyruan të kënaqen me nga një pikë, edhe pse ky rezultat nuk i shkon për shtati as njërës, e as tjetrës skuadër.

TABELA AKTUALE LA LIGA

Ky rezultat më së shumti i konvenon Barcelonës, e cila tashmë ka 10 pikë më tepër se Reali dhe gjithashtu 10 pikë më tepër se Atletico dhe duket të jetë e qetë në tabelën e klasifikimit, të paktën përkohësisht.