S’do të jetë lehtë

Branimir Pavic mban rekordin e këtij stinori për ekipet kosovare me fitore radhazi në të gjitha garat. Pas një serie prej 21 fitoreve me radhë, Peja ishte mposhtur nga Sigal Prishtina në Superligë, duke e prishur serinë. 

Mirëpo, nesër këto skuadra ritakohen në finale të Kupës së Kosovës, derisa Peja është mbrojtëse e trofeut të Kupës. 

“Neve na pret një sfidë e rëndësishme duke e marr parasysh faktin se do të hyjmë në ndeshje për ta mbrojtur trofeun e fituar një vit më parë. Nuk do të jetë lehtë, por ne do të japim më të mirën tonë,” ka thënë Pavic për faqen zyrtare të FBK-së. 

Prishtina në anën tjetër, ende nuk ka shijuar humbje me trajnerin e saj të ri, Antonis Constantinides.