BKT SUPERLIGA

BOROZANI/Lis Dorambari

Shima heroik, shpëton Pejën!

9 March, 2013 @22:04

Liderja e kampionatit të Kosovës në basketboll, Peja, ka arritur që të shënojë fitoren ndër më të vështirat në këtë stinor ndaj Bashkimit sonte.

Më meritori për këtë fitore ka qenë reprezentuesi i kombëtares shqiptare, Gerti Shima, i cili në çastet kyqe të ndeshjes në mungesë të Dardan Berishës, ka arritur të bartë lojën e skuadrës së udhëhequr nga kroati Rudolf Jugo.

Në anën tjetër, te prizrenasit më së shumti janë dalluar treshja e huaj me lojë të mirë, por edhe kapiteni Valentin Spaqi ka qenë në nivel të detyrës - përkundër humbjes.

Në çerekun e fundit lojtari më i mirë i Pejës, Dardan Berisha, ka marrë një lëndim në këmbë dhe është dashur që ta lëshojë fushën e lojës, pasi që nuk mundte të shkelte si duhet. Posa të mirret vesh për llojin e lëndimit të tij do t’ju njoftojmë më në detaje.

Sidoqoftë, derbi i javës e ka arsyetuar epitetin e saj me një ndeshje fantastike dhe me emocione të shumta gjatë saj.

Me këtë fitore Peja ka arritur që të shënojë fitoren e 17-të në kampionat, derisa Bashkimi ka regjistruar humbjen e gjashtë.

Me këtë fitore Peja ka siguruar epërsinë ndaj Bashkimit 3-0 në përballjet e ndërsjella të këtij stinorit.

BKT SUPERLIGA, SONTE:

Peja - Bashkimi

81-76

KOSHASHËNUESIT MË TË MIRË TË PEJËS:

1	Gerti Shima	25 pikë
2	Dardan Berisha	22 pikë
3	Cyril Awere	15 pikë
4	Samir Shaptahovic	12 pikë
5	Harouna Mutombo	3 pikë
6	Alban Veseli	2 pikë
7	Valdet Grapci	2 pikë