Prishtina e Sigal Prishtinës

Sigal Prishtina nuk lejoi për befasi. Bardhekaltërit e mposhtën skuadrën RTV 21, nga e cila ishin mposhtur dy herë në ndeshjet përgatitore para fillimit të pjesës së dytë të kampionatit.

Teleboysat e filluan lojën duke dominuar nën trapez me anë të Urim Zenelajt, i cili shënoi 10 pikë nga 12 pikët e para të skuadrës së tij.

Prishtina e morri kontrollin e lojës në çerekun e dytë duke mos lejuar që ekipi kundërshtar të shënoj më shumë se 11 pikë, derisa me lojën e mirë të amerikanëve, Alvin Snow dhe Julian Terrell, ekipi i Arben Krasniqit arriti të realizoj 20 pikë.

Në çerekun e tretë dhe të katër inkuadrimi në lojë i Fisnik Rugovës, bëri që të përfundojë dominimi i Urim Zenelajt nën trapez. Fisniku gjatë pjesëlojës së dytë realizoi 17 pikë, derisa 21-shi u mundua të kundërpërgjigjet me pikët e Brandon Robersonit, por të pa mjaftueshëm për fitore.

Koshashënuesi më i mirë i ndeshjes ishte Roberson me 22 pikë, i ndjekur nga Terrell me 19 dhe Fisnik Rugova e Urim Zenelaj me nga 17 pikë.

Në xhiron e ardhshme, Sigal Prishtina pritet të ketë punë edhe më të vështirë pasi e pret Trepçën, derisa RTV 21 do të mundohet ta regjistrojë fitoren e tetë në këtë stinor kundër Dritës.

Koshashënuesit e Sigal Prishtinës

Koshashënuesit e RTV 21-shit