Shima, më i miri i Xhiros V

Gerti Shima, që pati paraqitje të mrekullueshme ndaj Kastriotin në xhiron e pestë të Superligës, është zgjedhur si lojtari më i mirë i fundjavës nga Eurobasket. 

Tiranasi Shima, 28 vjeç, ka regjistruar double-double ndaj Kastriotit me 24 pikë e 15 kërcime në fitore dhe sipas llogarisë së kësaj faqeje - ai është më i mirë i Xhiros V të Superligës. 

Kjo ka qenë gjithashtu njëra ndër paraqitjet më të mira të stinorit për shqiptarin, që tashmë po e kalon stinorin e tretë me radhë te verdhezinjtë. 

Basketbollisti amerikan i Bashkimit, Tom Tankelewicz ka arritur të renditet në pozitën e dytë me performancën e mirë të treguar në Gjakovë ndaj Vëllaznimit, derisa Donald Lawes i Kastriotit, përkundër se u mposht nga Peja, ka qenë tepër i mirë për të zënë pozitën e tretë te më të mirët e Xhiros V. 

Beqë Kovaçi (Besa), Matteo Juricic (Vëllaznimi), Dino Hodzic (Vëllaznimi), Artin Gashi (Ylli), Samir Shaptahovic (Peja), Charlers Hammork (Ylli) dhe Endrit Hysenagolli (Bashkimi) - kanë qenë pjesëmarrësit tjerë sipas radhës në TOP 10 të Xhiros V të Superligës. 

Eurobasket, ka paraqitur me një ditë vonesë TOP 10-shen e Xhiros V, derisa mbrëmë ka përfunduar Xhiroja e VI e Superligës. 

TOP 10 performancat e javës në Superligë (Xhiroja V):