SEZAI SURROI
BOROZANI/Erdis Driza/Arkiv
Triumf i Trepçës në Prizren
6 November, 2014 @20:57
Trepça ka arritur të shënojë fitore të madhe në Prizren sonte. Ekipi mitrovicas ka shënuar fitore ndaj rivalit të drejtpërdrejtë për vendin e tretë në tabelë, Bashkimit, me 9 pikë diferencë duke u barazuar me pikë në tabelë.
Ekipi i Ilir Selmanit ka qenë më i mirë se Bashkimi në pjesën më të madhe të ndeshjes, duke fituar në çerekun e parë, tretë dhe të katërt, për të krijuar avantazhin e nevojshëm për fitore në fund.
Amerikani Ken Brown, që po tregohet lider i vërtetë te ekipi i Trepçës përsëri ka thënë fjalën kryesore në ekipin mitrovicas, duke regjistruar double-double prej 21 pikëve dhe 10 asistimeve në ndeshje, derisa për ansjë minutë nuk pati pushim gjatë ndeshjes.
Te ‘xehetarët’ u dalluan edhe Marquiz Baker, Valdrin Haxhiu dhe Samir Zekiqi, që shënuan pikë dyshifrore në fitoren jetike të ekipit të gjelbër.
Në anën tjetër, te Bashkimi më të dalluarit kanë qenë Spencer Dixon me 14 dhe Endrit Hysenagolli me 12 pikë të shënuara.
Me këtë fitore skuadrat janë barazuar sa i përket pikëve në tabelë, por duke ditur se Bashkimi në xhiron që vjen luan me Pejën dhe nëse Trepça nuk lejon befasi ndaj Yllit, mitrovicasit do të kalojnë në vend të tretë pas ciklit të parë të ndeshjeve në Superligë.
Statistikat ekipore:
| Bashkimi | Trepça | ||
| Çereku i parë | 12 | 18 | |
| Çereku i dytë | 22 | 17 | |
| Çereku i tretë | 10 | 16 | |
| Çereku i katërt | 17 | 19 | |
| Kërcime | 36 | 29 | |
| Asistime | 13 | 16 | |
| Bllokada | 2 | 2 | |
| Topa të vjedhur | 7 | 8 | |
| Topa të humbur | 16 | 16 | |
| Tentime për tre pikë | 4/19 | 8/25 | |
| Tentime për dy pikë | 21/41 | 14/27 | |
| Tentime nga gjuajtjet e lira | 7/9 | 18/25 |
Statistikat individuale te Bashkimi
| 1 | Spencer Dixon | 14 pikë | 6 kërcime | 5 asistime |
| 2 | Endrit Hysenagolli | 12 pikë | 6 kërcime | |
| 3 | Altin Morina | 8 pikë | 6 kërcime | 1 asistim |
| 4 | Kreshin Juniku | 8 pikë | 5 kërcime | 1 asistim |
| 5 | Tom Tankelewicz | 6 pikë | 2 kërcime | 1 asistim |
| 6 | Dragomir Marojevic | 5 pikë | 2 kërcime | |
| 7 | Qëndrim Biraj | 4 pikë | 6 kërcime | 5 asistime |
| 8 | Boban Medenica | 4 pikë | 2 kërcime |
Statistikat individuale te Trepça
| 1 | Ken Brown | 21 pikë | 10 asistime | 7 kërcime |
| 2 | Marquiz Barker | 16 pikë | 4 kërcime | |
| 3 | Samir Zekiqi | 12 pikë | 2 kërcime | 1 asistim |
| 4 | Valdrin Haxhiu | 10 pikë | 6 kërcime | 4 asistime |
| 5 | Arian Mehmeti | 6 pikë | 2 kërcime | |
| 6 | Arian Tahiri | 3 pikë | 1 kërcim | |
| 7 | Anthony Thompson | 2 pikë | 4 kërcime | 1 asistim |
