BLEDI SHKËMBI
Shkëmbi: Më pëlqeu se si luajtëm
11 March, 2021 @16:20
Pas fitores me rezultat të thellë ndaj Arbërisë, 2-6, trajneri i Ballkanit, Bledi Shkëmbi, u tregua tejet i kënaqur me rezultatin dhe lojë e treguar në fushë.
Shkëmbi tha se i pëlqeu mënyra e lojës së ekipit të tij, megjithëse ka ende hapësirë për disa përmirësime.
”Është një fitore e cila më pëlqeu. Më pëlqeu se si luajtëm. Pjesa e sulmit ia doli të shënojë. Pavarësisht rezultatit patëm disa probleme që duhet t’i përmirësojmë. Kam ardhur të punojmë me futbollistët dhe të arrijmë rezultate që synojmë. Në fund do t’i bëjmë llogaritë,” tha ai.
