AARON MOSS
Shpresoj në trofe
3 March, 2018 @16:19
Njëri ndër basketbollistët më të dalluar të Bashkimit në ndeshjen e Final 8 të Kupës së Kosovës, Aaron Moss, pas arritjes së finales, shpreson që të fitojë trofeun me ekipin e tij.
“Ne, me angazhim maksimal ia dolëm mbanë dhe ta sigurojmë finalen. Jam shumë i lumtur për fitoren e arritur. Shpresoj ta fitojmë këtë trofe,” ka thënë Moss për Kohën ditore.
Moss ka qenë i shkëlqyeshëm si në ndeshjen e çerekfinales ndaj Trepçës, ashtu edhe në atë gjysmëfinale ndaj Rahovecit.
Të dyja ndeshjet playmakeri amerikan i kreu me triple-double.
