XHIROJA IV
Foto: KB Peja Official
Shtyhet derbi Prishtina-Peja!!!
12 October, 2015 @19:48
Federata e Basketbollit të Kosovës ka përcaktuar orarin e ndeshjeve të xhiros së katërt të Superligës në basketboll sot.
Derisa Ylli kërkon fitoren e parë të stinorit ndaj Vëllaznimit në Suharekë në ndeshjen e së mërkurës që pritet të nis në ora 19:00, Bashkimi për shkak të ndeshjes në BIBL ndaj Pejës, do të luajë të enjten ndaj Kerasan Prishtinës në orën 19:00.
Mirëpo, ajo që befason është moscaktimi i datës të superderbit ndërmjet Sigal Prishtinës dhe Pejës për këtë mesjavë. Si duket kjo ndeshje do të shtyhet për një datë tjetër, pasi që Peja nesër luan ndaj Bashkimit në BIBL, e Prishtina do të duhet të udhëtojë për në Bullgari për tu takuar me Beroen më 15 tetor.
Orari i xhiros së katërt:
| E mërkurë, 14 tetor | Ylli - Vëllaznimi | ||
| E enjte, 15 tetor | Bashkimi - Kerasan Prishtina | ||
| Pacaktuar: | Sigal Prishtina - Peja | ||
| Pushon: | Trepça |
