Shtyhet ndeshja                 RTV 21 - Peja

Ndeshja e paraparë që të luhet të enjtën në ora 20:00 në palestrën 1 Tetori në Prishtinë, ndërmjet RTV 21 dhe Pejës, është shtyrë për një datë të pacaktuar.

Shtyrja e kësaj ndeshjeje u bë pas kërkesës së klubit të Pejës, për arsye të kalendarit të ngjeshur të verdhezinjëve dhe ndeshjeve të njëpasnjëshme në Superligë dhe Ballkan Ligë.

Peja dje (e martë) luajti kundër ekipit rumun, Craiova, në kuadër të Ligës Ballkanike dhe shënoi fitore me rezultat 80-65, duke arritur fitoren e parë në këtë garë.

Gjithashtu edhe ndeshja e Superligës, e paraparë që të luhet në këtë mesjavë, ndërmjet Besës dhe Sigal Prishtinës, më parë ishte shtyrë për shkak se Sigal Prishtina do të luajë nesër (e enjte) kundër Craiovës në Ballkan Ligë.