WEST HAM - LIVERPOOL
S’ka favore për Arsenalin, Liverpooli shumë pranë Champions Leagues
14 May, 2017 @17:04
Një fitore e madhe e Liverpoolit në Londër sot! Përkundër pritshmërive të mëdha për një favor nga fqinji londinez, Arsenali i Wengerit u zhgënjye nga rezultati i takimit të sotëm mes West Hamit dhe Liverpoolit.
Skuadra e gjermanit Klopp nuk gaboi në një prej sfidave më të rëndësishme të sezonit, për t’u afruar kështu shumë me sigurimin e një vendi që dërgon në Champions League, me ndeshjen e fundit që e zhvillon në shtëpi ndaj Middlesbrought tashmë të përshëndetur nga Premier Liga, ndeshje në të cilën fitorja e Liverpoolit nuk pritet të diskutohet.
Golat e Liverpoolit u shënuan nga Sturridge, Origi dhe Coutinho (2), gola që sipas të gjitha gjasave do të bëjnë që Arsenali dhe Manchester United të mbesin jashtë top4 sivjet, me Cityn e Liverpoolin që do të kualifikohen në Champions League përmes pozitave 3 dhe 4, gjithnjë nëse nuk ndodh ndonjë befasi e dorës së parë në xhiron e fundit.
