TERMINET E XHIROS XVI
BOROZANI/Arkiv/E. D.
Sot nis xhiroja XVI
19 January, 2018 @0:12
Federata e Basketbollit të Kosovës (FBK) ka publikuar terminet e ndeshjeve të xhiros së radhës, XVI, të Superligës së Kosovës.
Xhiroja nis sonte, ku në Prishtinë ndeshen Kerasan Prishtina që drejtohet nga Dritëro Sefaja dhe Trepça, që drejtohet nga Ilir Selmani.
Derisa Kerasan Prishtina në xhiron e fundit pësoi nga Ylli, Trepça mposhti Pejën dhe duket të jetë në formë të mirë pas përforcimeve dimërore.
Duelet tjera të xhiros luhen të shtunën. Peja pret në Karagaç Sigal Prishtinën në ora 17:00.
Kurse, dy duelet tjera zhvillohen në ora 19:00. Ylli pret në 13 qershori Rahovecin në duelin që pritet të jetë derbi i xhiros. E Bashkimi Boreën në Sezai Surroi në duelin e fundit të xhiros.
