Spanja fiton, të dyja kualifikohen

Vjen edhe fitorja e katërt e spanjollëve pas 4 ndeshjeve të para në EuroBasket2017.

Në takimin e zhvilluar sot, ‘toreadorët’ e mposhtën Kroacinë me rezultat të ngushtë 79-73, duke e treguar edhe një herë fuqinë e vet dhe faktin që renditen ndër favoritët për ta fituar këtë kampionat.

GRUPET DHE ORARI - EUROBASKET 2017

Më i dalluari te Spanja sonte ishte Ricky Rubio me 13 pikë, derisa te kroatët u veçua Dario Saric me 18 pikë. Duhet pëmendur që rol në këtë fitore luajti edhe Juancho Hernangomez, i cili e bllokoi tentimin e fundit për shënim të Bojan Bogdanovic, i cili po të shënonte, ndeshja do të mund të shkonte shumë lehtë në vazhdime.

Kjo fitore ia siguron Spanjës kualifikimin në fazën e eliminimit direkt, ndërsa përkundër humbjes, edhe Kroacia e kalon grupin. Bashkë me to, edhe Mali i Zi nga vendi i tretë tashmë e ka siguruar fazën play-off, kurse lufta e vetme në Grupin C po bëhet për vendin e katërt. Për atë pozitë po luftojnë Çekia, Hungaria dhe Rumania.

Nga grupet tjera, deri më tash kualifikimin e kanë siguruara Franca, Sllovenia, Lituania, Serbia, Rusia dhe Letonia.