Stinori i fundit i legjendës

Pesë herë kampion i NBA-së, Kobe Bryant, do të pensionohet në fund të këtij stinori. Basketbollisti 37 vjeç, që nga shumëkush shihet si njëri ndër më të mirët në historinë e këtij sporti, pas 20 vjetësh karrierë me Los Angeles Lakersin ka thënë se në fund të stinorit do të përshëndetet nga sporti, të cilit i dha shumë. 

“Trupi im e din se ka ardhur koha për t’i thënë lamtumirë,” ka thënë Bryant për Players Tribune, shkruan BBC Sport. 

Dy herë fitues i medaljes së artë në Lojëra Olimpike, ka qenë disa herë i lënduar në vitet e fundit dhe ka shënuar mbi 32 mijë pikë në karrierë. 

Ndeshja e fundit e tij pritet të jetë ajo ndaj Utah Jazzit më 13 prill të vitit të ardhshëm. 

Bryant ka pasur mesatare mbi 25 pikë për ndeshje në 1 mijë e 293 ndeshje të zhvilluara në NBA.