Dramë në Gjakovë, Ylli fiton në fund

Dy minuta para fundit të ndeshjes, Ylli ka pasur 16 pikë epërsi ndaj Vëllaznimit në përballjen e xhiros së XI që zhvillohej sonte në “Shani Nushi”. 

Mirëpo, basketbollistët e ekipit suharekas sikurse lëshuan gjithçka dhe këtë për pak sa e shfrytëzuan gjakovarët që ishin tepër kërkues për fitore, të cilën ua mohoi vetëm preciziteti në fund. 

Genti Zeka shënoi dy treshe në minutën e fundit, derisa Kreshnik Avdija shënoi 2 pikë nga gjuajtjet e lira e Muhamet Kollqaku realizoi një dyshe tjetër për të shtyer Yllin në Time-Out. 

50 sekonda pa përfunduar ndeshja Ylli kishte vetëm 5 pikë epërsi ndaj Vëllaznimit. Derisa Landon Atterberry shënoi një pikë nga 2 gjuajtjet e lira të Yllit, Zeka i Vëllaznimit qëlloi treshen e tretë të minutës së fundit për të ngushtuar epërsinë në vetëm minus 2 pikë 12 sekonda pa përfunduar ndeshja. 

E në luftën e gjuajtjeve të lira për dhjetë sekondëshin e fundit të ndeshjes Atterberry i Yllit ishte i saktë (nga 2 herë nga 2 tentime), si edhe Zeka i Vëllaznimit (që shtoi 2 pikë tjera), çoi ndeshjen në përfundim 88-92 në të mirë të Yllit. 

TABELA AKTUALE E SUPERLIGËS

Ylli shënoi fitoren e katërt të stinorit, derisa Vëllaznimit i iku nga dora një rast shumë i mirë sonte. 

Përndryshe, Atterberry ka qenë lojtari më efikas te Ylli me 25 pikë të shënuara, derisa Urim Zenelaj e Montral Scott kanë përfunduar ndeshjen me double-double. I pari ka shënuar 21 pikë e 13 kërcimë, derisa i dyti 14 pikë e 11 asistime në fitoren e ekipit. 

Në anën tjetër te Vëllaznimi lojtarët më të dalluar sonte kanë qenë Blendi Matoshi me 28 pikë të shënuara si dhe Genti Zeka, të cilit vetëm një kërcim i mungoi për të regjistruar double-double prej 25 kërcimeve dhe 9 kërcimeve të regjistruara. 

Statistikat ekipore

	Vëllaznimi	Ylli
Çereku i parë	20	24
Çereku i dytë	17	18
Çereku i tretë	18	25
Çereku i katërt	33	25
Kërcime	29	41
Asistime	9	23
Bllokada	3	11
Topa të vjedhur	5	9
Topa të humbur	10	7
Tentime për tre pikë	11/30 (36%)	5/22 (22%)
Tentime nga loja	30/74 (40%)	35/70 (50%)
Tentime nga gjuajtjet e lira	17/26 (65%)	17/25 (68%)

Statistikat individuale te Vëllaznimi

1	Blendi Matoshi	28 pikë	4 kërcime	3 asistime
2	Gent Zeka	25 pikë	9 kërcime	-
3	Arian Qallaku	12 pikë	3 asistime	2 kërcime
4	Sami Hajzeri	7 pikë	-	-
5	Kreshnik Avdijaj	7 pikë	-	-
6	Michel Lewis	4 pikë	3 kërcime	1 asistim
7	Driton Rraci	3 pikë	5 kërcime	1 asistim
8	Mehmet Kollqaku	2 pikë	1 kërcim	1 asistim

Statistikat individuale te Ylli

1	Landon Atterberry	25 pikë	5 kërcime	4 asistime
2	Urim Zenelaj	21 pikë	13 kërcime	7 bllokada
3	Montrael Scott	14 pikë	11 asistime	8 kërcime
4	Egzon Kuqi	9 pikë	4 kërcime	-
5	Salajdin Hysenaj	8 pikë	1 kërcim	1 asistim
6	Kreshnik Juniku	6 pikë	3 kërcime	-
7	Erris Nushi	5 pikë	1 kërcim	1 asistim
8	Altin Morina	4 pikë	6 asistime	5 kërcime