VILLARREAL - BARCELONA
Suarez e Messi për rikthimin te fitoret
10 December, 2017 @22:36
Pas dy barazimeve radhazi, Barcelona fitoreve në La Liga i është rikthyer në ndeshjen e zhvilluar ndaj Villarrealit.
Me golat e Suarezit e Messit, lideri aktual i La Ligas takimin e sontëm e fitoi 0-2, për të mos lejuar që rivalët e tjerë t’i afrohen edhe më tutje në klasifikim.
Duhet përmendur që Villarreali u mbajt mirë për pjesën më të madhe të ndeshjes dhe rol në këtë rezultat luajti edhe përjashtimi i sulmuesit Raba, i cili i la vendasit me një lojtar më pak në terren dhe inferioriteti numerik në fushë krijoi më tepër hapësirë për mysafirët, gjë që ndikoi në dy golat e shënuara në 20 minutat e fundit të ndeshjes.
