Super Harry Kane, kalon Shearerin e Messin

Në ndeshjen e parë të ‘Boxing Day’ në Premier League, sulmuesit Harry Kane i mjaftuan 45 minuta që të shënojë 2 gola dhe të kalojë dy legjenda të futbollit në dy kategori të ndryshme.

Me golin e parë të shënuar sot, Harry Kane e kaloi Alan Shearerin sa i përket numrit të golave të shënuara në një vit kalendarik në Premier League, ndërsa me golin e dytë ai e kaloi Leo Messin sa i përket numrit të golave të shënuara në vitin 2017.

Kane tashmë ka shënuar 38 gola në Premier League brenda një viti kalendarik, një më shumë se Alan Shearer, ndërsa 55 gola në të gjitha garat me klub e kombëtare, një më shumë se Leo Messi, që këtë vit e mbylli me 54 gola të shënuara.

Se a do të shënojë edhe ndonjë gol tjetër sot, na mbetet të presim edhe 45 minuta.