NDESHJET E RADHËS
Gattuso në rrezik brenda muajit
25 December, 2017 @16:06
Trajneri i posaardhur te Milani, Gennaro Gattuso, është në rrezik të shkarkohet ende pa plotësuar një muaj në krye të ekipit të parë të rossonerëve.
Gattuso që u emërua si zëvendësues i Vincenzo Montellas të shkarkuar, ka arritur të merr vetëm katër pikë në katër ndeshjet e Serie A-së që i zhvilloi me ekipin e tij.
La Stampa, por edhe Corriere dello Sport, raportojnë se rreziku më i madh për Gattuson do të jetë e mërkurja, 27 dhjetor 2017, kur Milan ndeshet me Interin në kuadër të Kupës së Italisë.
Pas këtij dueli, Milan është mysafir i Fiorentinës të shtunën më 30 dhjetor - që gjithashtu pritet të jetë vështirë për rossonerët në krizë.
