Superderbi Prishtina-Peja, pasnesër

Dueli më i madh i basketbollit kosovar në vitet e fundit, ku rivaliteti sportiv shkon deri në maksimum, ndërmjet Sigal Prishtinës dhe Pejës, do të zhvillohet të mërkurën më 5 prill me fillim në ora 19:00, në Pallatin e Rinisë dhe të Sporteve në Prishtinë.

DUELET MES VETI

Deri më tash, skuadrat janë takuar mes vete tre herë në Superligë në kuadër të kampionatit. Sigal Prishtina ka 2 fitore, ndërsa Peja 1.

Në anën tjetër, skuadrat janë takuar edhe në finale të Kupës së Kosovës, ku Peja është mposhtur në finale nga Sigal Prishtina, që mbrojti trofeun e Kupës.

TABELA AKTUALE E SUPERLIGËS

MUND TË VENDOSET KAMPIONI I STINORIT TË RREGULLT

Ndeshja është e rëndësisë së madhe pasi që mund të vendos shumë sa i përket kampionit të stinorit të rregullt, që do të merr edhe përparësinë e terrenit vendas në rast të finales së Play-Offit.

Sigal Prishtina aktualisht ka vetëm 3 humbje në Superligë, ndërsa Peja ka 4. Sigal Prishtina këtë stinor është mposhtur nga njëherë prej çdo ekipi të katërshes së madhe (Bashkimi 1, Peja 1 dhe Trepça 1).

Peja në anën tjetër katër humbjet gjithashtu i ka nga katërshja e madhe prej të cilave 2 herë nga Prishtina (Bashkimi 1, Prishtina 2 dhe Trepça 1).

CILAT DERBI I PRESIN DERI NË FUND TË STINORIT TË RREGULLT?

Pas kësaj ndeshjeje, Sigal Prishtina ka vetëm edhe një derbi për të zhvilluar deri në fund të stinorit. Luan ndaj Trepçës si vendase.

Në anën tjetër, Peja ka edhe tre derbi dhe të gjitha ndaj Bashkimit!!! Dy prej tyre janë ndeshje që janë shtyer për shkak angazhimit në BIBL të ekipeve, ndërsa e fundit luhet në xhiron e fundit të stinorit të rregullt, XXVIII.

REZULTATET E DERITASHME NË SUPERLIGË 2016/17: