JAVA XXIII
Java XXIII në Superligë fillon sot
22 March, 2019 @9:57
Java e XXIII e Superligës në basketboll do të fillojë sot me ndeshjen e paraparë të zhvillohet në Pejë.
Ndeshja e parë luhet sot ndërmjet AFK Boreas dhe Ponte Prizrenit, nga ora 16:30, ndërsa skuadra mysafire padyshim llogaritet favorite edhe pret fitore të lehtë për ta regjistruar triumfin e 12-të në Superligë.
Kurse nesër, e shtunë, në ora 19:00 do të luhet derbi i xhiros, ku Bashkimi do ta pret në “Sezai Surroi” finalistin e Kupës, Rahovecin.
Portokallezinjtë kërkojnë fitore me çdo kusht për ta rikthyer vetëbesimin pas humbjes së fundit ndaj Yllit, derisa vreshtarët synojnë që ta mbajnë hapin në luftën për vendin e dytë në tabelë, që dërgon direkt në gjysmëfinale të Play Offit.
Të dielën, do të takohen Golden Eagle Ylli - Trepça dhe Lipjani - Z Mobile Prishtina.
