Kërveshi tregon arsyet e largimit

E mori ekipin kampion dhe e kaloi tërë vjeshtën pa humbje. U eliminua në gjysmëfinale të Kupës së Kosovës, ndërsa pas kësaj pësoi edhe humbjen e parë kampionale.

Kjo ka qenë e mjaftueshme për trajnerin Kërveshi që të kuptojë se nuk do të mund të çojë më tutje detyrën e tij me vajzat portokallezi, duke falenderuar ato për gjithçka si dhe kryesinë e klubit.

Pas dorëheqjes nga posti i trajnerit te skuadra e femrave të Bashkimit, trajneri Edin Kërveshi ekskluzivisht për TopSporti.com ka treguar arsyet e largimit.

“Pas dy humbjeve nga Prishtina në kupë dhe në ligë, kam parë që nuk mundem të punoj me vajza dhe vendosa të largohem. Ky ishte viti i parë i imi me vajza si trajner.

Falenderoj kryesinë që ka qenë gjithmonë pas meje në çdo aspekt, i falenderoj edhe vajzat që kanë dhënë maksimumin e tyre dhe i dëshiroj suksese ekipit të Bashkimit”.

Kërveshi gjithashtu ka thënë se ka marrë një ofertë, por jo në cilësinë e trajnerit, derisa vendimin për këtë ofertë do ta marrë në ditët në vijim.

TABELA AKTUALE

Kërveshi më parë gjatë karrierës së tij si trajner kishte çuar ekipin e meshkujve të Bashkimit në finale të Kupës së Kosovës.

Ai gjithashtu është edhe trajner te reprezentacionet e grumposhave të Kosovës.

Bashkimi aktualisht gjendet në pozitën e parë me 13 fitore e 1 humbje.