Ta votojmë Kuqon dhe Spahiun

Dy basketbollistët shqiptarë që luajnë me sukses në Turqi, Ermal Kuqo i Anadolu Efesit dhe Kenan Spahiu i Tofasit, janë kandidatë për të luajtur në ndeshjen All-Star që do të organizohet nga Federata turke e basketbollit.

Për ta parë Kuqon dhe Spahiun pranë yjeve të ligës turke si Jordan Farmar, Semih Erden, Bo McCalebb, David Hawkins dhe të tjerë, duhet të mbledhin sa më shumë vota.

Votimi bëhet në facebook tek faqja zyrtare e Federatës turke të basketbollit dhe të drejtë vote ka çdo kush i cili ka llogari në facebook.

Për të votuar së pari duhet të pëlqehet faqja e Federatës turke dhe më pas duhet zgjedhen dy pesëshe prej basketbollistëve të kandiduar. Njëra pesëshe përbëhet nga të huajtë e ligës turke, ndërsa pesëshja tjetër përbëhet nga basketbollistët vendor, ku janë përfshirë edhe dyshja shqiptare Kuqo - Spahiu.

Votimi përfundon të premtën në ora 12:00.