PETAR MIJOVIC
Trajneri i Bashkimit, Petar Mijovic/ BOROZANI/ D.S.
Tash punojmë për fazën e dytë
13 January, 2016 @11:27
Bashkimi ka shënuar fitore ndaj Lovçenit mbrëmë në Balkan League dhe ka siguruar kualifikimin në fazën e dytë të BIBL.
Me këtë fitore, është ndarë i kënaqur edhe trajneri i ekipit, Petar Mijovic, që erdhi këtë stinor në Prizren.
“E patë të gjithë se gjithçka ndodhi në çerekun e dytë të ndeshjes. Tash mbetet të punojmë për fazën e dytë të garave,” ka thënë Mijovic pas ndeshjes mbrëmë për Supersportin.
“Vetë kalimi në fazën e dytë të garave është sukses për ekipin tonë,” ka shtuar ai.
Bashkimi ka përfunduar fazën e parë të BIBL në Grupin B me bilanc 5 fitore e 3 humbje dhe ka siguruar fazën e dytë grupore të kësaj gare në vitin kur po debuton aty.
