RTV 21
BOROZANI/Edrin Shkuliqi
Teleboysat mposhtin Trepçën
17 March, 2013 @19:11
Ekipi i udhëhequr nga boshnjaku Adin Adinovic, RTV 21, ka arritur që të befasojë përsëri kampionin, Trepça. Ata sot në një ndeshje të barabartë gjatë gjithë kohës, kanë arritur që të shkëputen në rezultat gjatë çerekut të katërt dhe të shënojnë fitore shumë të rëndësishme për ta në luftë për play-off, 72-90.
Ndeshja u zhvillua në palestrën Jeton Tërstena të Vushtrrisë, ku po luajnë mitrovicasit ndeshjet si vendas ndërsa rezultati ka qenë në lëvizje gjatë gjithë kohës, derisa në fund Teleboysat fitojnë sigurtë. Kendrick Jones ka shkëlqyer te skuadra e Adinovicit me 33 pikë dhe 12 kërcime, duke shënuar double-double, por nuk ishte i vetmi me këtë dyshifror të dyfishtë. Atij i ka ndihmuar edhe turku Ersan Ozseven që shënoi 19 pikë dhe 10 kërcime në fitoren e madhe.
Trepça vetëm pak ditë më parë kishte eliminuar RTV 21-shin nga garat e kupës duke e mposhtur në çerekfinale. Mirëpo, ekipi i ardhur sivjet në Superligë, regjistroi befasinë e dytë këtë stinor, duke i mposhtur xehetarët përsëri dhe tani udhëheqin në ndeshjet e ndërsjella 2-1 ndaj Trepçës.
BKT SUPERLIGA, SONTE:
| Trepça - RTV 21 | 72-90 Rezultati përfundimtar | (21-22; 49-45; 60-61 dhe 72-90) Sipas çerekëve |
TOP 3 TE RTV 21:
| 1 | Kendrick Jones | 33 pikë | 12 kërcime | |
| 2 | Ersan Ozseven | 19 pikë | 10 kërcime | |
| 3 | Brandon Roberson | 19 pikë | 5 kërcime | 6 asistime |
