DUELET PARAKUALIFIKUESE
Terminet e stërvitjeve të Kosovës, nesër grumbullimi i parë
16 February, 2020 @16:35
Përfaqësuesja e Kosovës në basketboll do të bëj grumbullimin e parë të saj për këtë vit nesër, ku për herë të parë do të punojë nën urdhërat e selektorit të ri të saj, Christos Marmarinos.
Marmarinos ka ftuar 17 basketbollistë për përgatitjet para ndeshjes ndaj Islandës që luhet më 20 shkurt në Prishtinë, ndërsa 12 do të ftohen për ndeshje.
FBK ka publikuar orarin e stërvitjeve të lojtarëve që nis nesër prej orës 10:00 në Kolegjin ISP, ndërsa e dyta e ditës në ora 18:00. Pas kësaj, stërvitjet do të vazhdojnë në Pallatin e Rinisë në Prishtinë, ku të martën lojtarët do të mblidhen në 10:30 dhe 18:00, të mërkurën në 12:00, ndërsa të enjten në ora 11:00.
Dueli i Kosovës ndaj Islandës, i pari i fazës parakualifikuese për Botërorin 2023, do të luhen në Prishtinë më 20 shkurt, ndërsa tre ditë më pas, 23 shkurt, Kosova do të jetë mysafire e Luksemburgut.