Të gjitha lajmet

GRUPI I KOSOVËS DHE SELEKTORI I RI

Parakualifikimet një-vjeçare me Marmarinosin

Christos Marmarinos, greku që do të drejtojë Kosovën në para-kualifikime për Botërorin 2023/ Foto: FBK

Parakualifikimet një-vjeçare me Marmarinosin

14 February, 2020 @22:30

Sot në Prishtinë në një konferencë për shtyp, Federata e Basketbollit të Kosovës prezantoi selektorin e ri të Kosovës në basketboll, grekun Christos Marmarinos.

Marmarinos 42 vjeç, që ka punuar për kohë të gjatë me Olympiacosin dhe ka përvojë si trajner në Summer League të NBA-së, së fundi ka qenë trajner i ekipit japonez Nishinomiya Storks.

Greku, që bëhet selektori i parë i Kosovës nga ky vend, pas amerikanit Brad Greenberg dhe boshnjakut Damir Mulaomerovic, në konferencë ka thënë se synimi i tij me ekipin është fitorja.

FIBA draw

“Jam i nderuar që do të drejtojë Kosovën dhe do të kem mundësi të punojë me lojtarët e Kosovës. Për mua është një mundësi e mirë, por shpresoj se bashkë do të bëjmë punë të mirë dhe të kemi suksese. Synimi është fitorja. Kemi dy ndeshje të vështira tash, por do të përqëndrohemi te forcat tona dhe lojtarët që kemi në dispozicion,” ka qenë i qartë Marmarinos.

Përgatitjet e Kosovës për ndeshjet e grupit parakualifikues për në Kampionatin Botëror 2023 fillojnë të hënën, në ditën e Pavarësisë së vendit.

Kjo pasi që ndeshja e parë e Kosovës në Grupin B luhet më 20 shkurt. Kosova pret Islandën me të 20-tin, ndërsa i shkon Luksemburgut më 23 shkurt - që edhe do të mbyll ciklin e ndeshjeve të muajit shkurt.

Më pas, ndeshjet tjera të grupit luhen në nëntor 2020. Kosova do të jetë mysafire e Sllovakisë dhe Islandës, më 26 e 29 të nëntorit të këtij viti.

Christos Marmarinos, Kosovo national team coach

E faza grupore mbyllet në këtë muaj, një vjet pas. Më 18 shkurt Kosova pret Luksemburgun dhe më 21 shkurt pret Sllovakinë në ndeshjen mbyllëse të grupit.

Kosova gjendet në Grupin B parakualifikues për Botërorin 2023, ndërsa kundërshtar ka pra Sllovakinë, Islandën dhe Luksemburgun.

Dy vendet e para të grupit do të kualifikohen në fazën e dytë parakualifikuese që luhet në verë të vitit 2021, ku grupeve do t’i bashkangjiten edhe tetë ekipe tjera, për të kërkuar vend në kualifikime për Botërorin 2023 nga zona e skuadrave evropiane.

Greku qëndroi në ditët e kaluara në Rahovec, për të parë basketbollistët potencial të skuadrës në lojë. Në Rahovec po mbahet Final 8 e Kupës së Kosovës, ndërsa Marmarinos pa ndeshjen Rahoveci-Peja, shkroi diçka në fletoren e tij, e sot publikoi edhe listën e gjërë të të ftuarve, që do të reduktohet para ndeshjes.

VENDIMI I FIBA-s

Anulohet evropiani! Dushku: Zhgënjyese, por e pritur

8 April, 2020 @14:45

Bordi i FIBA Evropës ka marrë vendim që të anulojë 16 Kampionatet Evropiane të gjeneratave të reja që ishin planifikuar…

SPECIALE

TOP 20 koshashënuesit e Superligës 2019/20

TOPSPORTI/ Arian Paçarizi

7 April, 2020 @23:15

Ky stinor i Superligës, që pritej të sillte ndër PlayOffet më interesante në dekadën e fundit, mbeti pa përfunduar për…

PAS ANULIMIT TË STINORIT

Peja e vetmja me trofe në 2020

2 April, 2020 @20:08

Skuadra e Pejës pritet të jetë ekipi i vetëm që vitin 2020 do ta përfundojë me trofe në basketbollin kosovar.…

TE MESHKUJT E FEMRAT

Stinori 2019/20 përfundoi sot

31 March, 2020 @15:53

Ka përfunduar sot stinori 2019/20 i Superligës së Kosovës në basketboll te meshkujt dhe te femrat, ka bërë të ditur…

FBK

Vendimi për anulimin e sezonit, flet sekretarja e FBK-së

30 March, 2020 @19:11

Tash e sa javë, basketbolli në Kosovë, sikur sportet e tjera, po “pushon” shkaku i masave mbrojtëse ndaj përhapjes së…

Të gjitha lajmet nga FBK Superliga