TIRANA vs PRISHTINA
Foto: KBTirana
Testi i fundit para Final Four, i suksesshëm për Prishtinën
13 February, 2017 @18:34
Kampionja aktuale e Kosovës në basketboll dhe mbrojtësja e trofeut të Kupës, Sigal Prishtina, ka kryer edhe testin e fundit para Final Fourit me sukses.
Në “Farie Hoti” të Tiranës, bardhekaltërit nga kryeqyteti i Kosovës kanë mposhtur bardhekaltërit nga kryeqyteti i Shqipërisë me 30 pikë dallim, 95-65.
Pjesa e parë e ndeshjes kishte përfunduar me rezultat 50-36 në të mirë të Prishtinës, ndërsa djelmoshat e drejtuar nga Andreis Prakuraidis, kanë ngritur avantazhin në pjesë të dytë të ndeshjes për të fituar miqësoren.
Sigal Prishtina të premten në gjysmëfinale të Kupë së Kosovës do të ndeshet me Trepçën vendase dhe organizatore të turneut për Final Four 2017.
