Testi i vërtetë për krye

Sigal Prishtina pasdite pret kampionin aktal të Balkan League, ekipin izraelit, Galil Gilboa. Fituesja e Kupës së Kosovës është tejet e entuziazmuar para ndeshjes me ekipin izraelit, që ua shkaktoi humbjen e parë në BIBL këtë stinor prishtinasve. 

Ekipi i Ceyhun Cabadak përkundër se ia ka nisur në mënëyrë më të mirë ligës ballkanike në ndeshjet e fundit po vërehet një luahtje e madhe dhe nervozizëm në ekip, veçanërisht në ndeshjet si mysafir, ku të dyja ndeshjet si ndaj Balkanit të Botevgradit ashtu edhe ndaj Levskit, sot do t’i shihnim si fitore! 

Publiku, forca e parë e Sigal Prishtinës

Sidoqoftë, në Pallatin e Rinisë dhe të Sporteve është një muhabet tjetër, e posaçërisht këtë vit, pas renovimit të saj. Sigal Prishtina, të mos harrojmë, ka një skuadër të gjërë me basketbollistë dhe së fundi është përforcuar në pozitat kyqe ku ka pasur mungesa ose s’ka qenë e plotë. 

Pritet debutimi i Blajic, Zenelaj s’dihet

Kroati me vizion për lojë dhe me përvojë në Balkan League, Josip Blajic, pritet të tregohet sonte, derisa vlerësohet të jetë njëri ndër përforcimet më të qëlluara të Sigal Prishtinës.

Blajic që nuk shënon shumë pikë, është i njohur si ushqyes duke asistuar shumë. E këtë duhet të shfrytëzojnë maksimalisht snajperët e Dardan Berishës, Alban Veselit, Tay Wallerit e Edmond Azemit. 

Gjithashtu, basketbollisti më i gjatë në Kosovë, Urim Zenelaj, mund të debutojë sonte përkundër se është i papërvojë, por kjo do të vërehet në ndeshje sipas nevojës së Cabadak. 

Për ekipin kundërshtarë s’ka çka të thuhet shumë. Janë më të mirët në Balkan League, janë kampion aktual, derisa kanë vetëm amerikanë dhe izraelitë në ekip - duke fituar sa herë kanë nevojë për fitore. Humbjet e vetme deri më tani i kanë regjistruar nga Kumanova si mysafir dhe Levski si vendas. 

E nëse mirret parasysh se Sigal Prishtina ka humbur ndeshjen e parë për mungesë përvoje në Izrael dhe ka mposhtur Kumanovën brenda dhe jashtë, atëherë dueli pritet të jetë i zjarrtë sonte - derisa llogaritet në përkrahje maksimale nga publiku që pritet të stërmbush palestrën. 

Sigal Prishtina ka bilanc të 6 fitoreve krahas 4 humbjeve, Galil Gilboa ka 7 fitore ndaj 2 humbjeve të përmendura më lartë. 

Rezultatet dhe tabela aktuale. 

BALKAN LEAGUE, Sonte: