Washingtoni po shkëlqen

Skuadra e Washingtonit, është duke kaluar një stinor shumë të mirë, krahasuar me katër vitet e kaluara.

Disa ditë më parë, ata e mposhtën Oklahomën, së cilës ia ndalën serinë e fitoreve. Kësaj radhe e mposhtën një tjetër skuadër të fortë, Portlandin, me rezultat 100-90.

John Wall, ishte më i miri me 22 pikë, 5 asistime e 5 kërcime, ku u ndihmua edhe nga Trevor Ariza me 20 pikë. Në anën tjetër, 25 pikët e Damian Lillardit nuk mjaftuan për fitoren e Portlandit.

Wizards, tani ka bilanc prej 24 fitoreve e 23 humbjeve dhe gjendet në pozitën e pestë në Konferencën Lindore.