Fantasy TopSporti
Të gjitha lajmet
Tabelat dhe Rezultatet

TIRANA - TEUTA

Teuta eliminon Tiranën, kalon në gjysmëfinale të Ligës Unike

Foto: KB Teuta

Teuta eliminon Tiranën, kalon në gjysmëfinale të Ligës Unike


6 April, 2022 @20:50

Pas fitores me 15 pikë epërsi në ndeshjen e parë, Teuta e ka fituar edhe ndeshjen e dytë çerekfinale ndaj Tiranës, për të kaluar kështu në gjysmëfinale në sezonin e dytë të Ligës Unike.

Sonte durrsakët krijuan epërsi të hershme që nga fillimi dhe me meritë e fituan takimin me rezultat 73-78.

12-23 e 15-17 përfunduan dy çerekët e parë, për t’i çuar kështu skuadrat në pushim mes pjesëve me epërsi 13-pikëshe të Teutës. Më pas, skuadra e Tiranës luajti më mirë në pjesën e dytë (19-18, 27-20), por nuk pati fuqi për përmbysje dhe ndeshja u mbyll me fitoren e Teutës.

Më të dalluarit në fitoren e Teutës sonte ishin Tyler Peterson dhe Nasir Core me nga 19 pikë secili, kurse te Tirana u veçuan Eldi Hysa (19 pikë) dhe Endrit Hysenagolli (16 pikë, 11 kërcime).

Në gjysmëfinale të këtij edicioni të Ligës Unike Teuta do të përballet me Yllin nga Suhareka.


 
Të gjitha lajmet nga Liga Unike