TEUTA - ACADEMIC BULTEX
Teuta triumfon në vazhdime
17 October, 2018 @21:18
Skuadra debutuese në Balkan League, Teuta, arriti ta mposhtë Academic Bultexin në vazhdime me rezultat 89-86.
Koha e rregullt e ndeshjes përfundoi me rezultat 75-75, ndërsa në vazhdime më e përqëndruar u tregua skuadra nga Durrësi, e cila arriti ta mbyllë takimin me fitore.
Erik Copes shkëlqeu me 30 pikë e 13 kërcime, derisa u ndihmua edhe nga Carren Wilson me 26 pikë e 9 kërcime. Këta të dy ishin të vetmit me pikë dyshifrore te skuadra e Teutës.
Te Academix Bultex më i dalluari ishte Daishon Knight me 31 pikë të shënuara.
Duhet përmendur që ky takim u gjykua nga treshja kosovare e gjyqtarëve, treshe kjo e përbërë nga Daut Mehmeti, Dardan Maxhuni dhe Elldin Uglari.
Teuta në ndeshjen e dytë do të përballet me Bashkimin, ndërsa Academic me Prishtinën.
