Thehet akulli, fiton Bashkimi

Më në fund ka ardhur fitorja e parë për Bashkimin në Ligën Ballkanike.

Pas katër humbjeve të njëpasnjëshme, Bashkimi arriti t’i gëzohet fitores duke e mposhtur Kozuvin në Prizren me rezultat të ngushtë 69-66.

Të pranishmit në palestën “Sezai Surroi” e shikuan një ndeshje të fortë dhe me finish dramatik, ndërsa gjatë gjithë ndeshjes epërsia që ndryshonte herë në të mirë të njërës, e herë tjetrës skuadër, asnjëherë nuk u bë më shumë se 7 pikë.

Në pjesën e parë, Bashkimi ishte diç më i mirë se kundërshtari, duke shkuar në pushim me 5 pikë epërsi, por me t’u kthyer nga pushimi, Kozuvi tregoi lojë më të mirë dhe e riktheu epërsinë në të mirë të tij, për ta pritur çerekun e katërt me 2 pikë epërsi, 52-54.

Por në momentet më vendimtare, Bashkimi i udhëhequr nga dyshja Eric Palm dhe Kejuan Johnson, arriti ta kthejë rezultatin dhe ta ruaj atë deri në fund, ndërsa Kozuvi që e kishte rastin që së paku ta çojë ndeshjen në vazhdime, dështoi në saktësi të gjuajtjeve të lira.

TABELA AKTUALE

Palm ishte më i dalluari te Bashkimi me 27 pikë të shënuara, prej tyre 5 treshe, ndërsa Kejuan Johnson, megjithëse kishte shumë tentime të huqura, arriti ta përmbyll ndeshjen me 21 pikë.

Në anën tjetër, për Kozuvin i vetmi që u dallua ishte Kenyon McNeal Jr., që shënoi 22 pikë dhe kishte edhe 7 asistime e 2 kërcime.

BASHKIMI

KOZUV