BOSTON vs UTAH
Thomas me rekord personal, Celtics mposht Jazzin
4 January, 2017 @9:09
Në ndeshjen e luajtur në TD Garden, ndërmjet Boston Celticsit dhe Utah Jazzit, fitues doli skuadra vendase Celtics.
Utah Jazz, vetëm në çerekun e parë të ndeshjes arriti të ballafaqohet me Bostonin, derisa keltët dominuan gjatë tërë ndeshjes për ta mposhtur kundërshtarin me rezultat 115-104.
Më i miri te Bostoni, ishte Isaiah Thomas me 29 pikë të shënuara, derisa duke i bërë 15 asistime e theu rekordin personal të tij.
Gordon Hayward, u dallua më së shumti te Utah Jazz me 23 pikë.
Utah Jazz në 9 përballjet e fundit në TD Garden me Bostonin, nuk arriti ta shijojë fitoren.
Kjo ishte fitorja e 21-të e Bostonit krahas 14 humbjeve që i kanë.
