LEVSKI - TIRANA
Tirana eliminohet nga BIBL
3 April, 2018 @19:05
Pas humbjes së pësuar në ndeshjen e parë në Tiranë me 6 pikë diferencë, skuadra e Tiranës u mposht edhe në takimin kthyes ndaj Levskit, për t’u eliminuar kështu nga Liga Ballkanike.
Ndeshja kaloi me dominimin e vendasve që nga fillimi, ndërsa rezultati përfundimtar i ndeshjes ishte 98-75, rezultat ky që ia mohon Tiranës kualifikimin historik për në Final Four.
Më i dalluari në këtë humbje të Tiranës ishte Gerti Shima me 20 pikë, 9 kërcime e 5 asistime, kurse te Levski vendas u veçua Stanimir Marinov me 17 pikë, 1 kërcim e 5 asistime.
Pas Rilskit dhe Blokotehnës, Levski është skuadra e tretë që e arrin kualifikimin për në Final Four, ndërsa gjysëmfinalisti i katërt do të kuptohet nesër mbrëma pas duelit mes skuadrës Academic Bultex dhe Bashkimit, duel ky që nis me Bashkimin favorit pas fitores në ndeshjen e parë në Prizren.
