FILLON STINORI I RI
Tirana-Trepça, nis stinori sonte
10 October, 2016 @8:51
Basketbollistët e Tiranës dhe të Trepçës në duelin e sontëm do të hapin perden e stinorit 2016/17 të Ligës Ballkanike.
Dy skudra debutuese në këtë garë nisin gjithçka në ndeshjen e parë të stinorit dhe njëra do t’ia nis me fitore e tjetra me humbje.
Tirana në muajin e fundit ka përforcuar radhët me disa basketbollistë si: Manuel Johnson, Erkand Karaj, Griffin Ramme, Endrit Hysenagolli, Nemanja Gavrancic, etj.
Ndërsa Trepça në skuadër ka sjellë: vëllezërit Zekiqi, Nikola Ljujic, Frederic Stutz, Montrael Scott, Jeremy Wise, etj.
Dueli nis në ora 19:00 sonte në “Asllan Rusi” të Tiranës, ndërsa drejtësia në ndeshje ndahet nga Ademir Zurapovic, Haris Bjedic dhe Ognjen Jokic.
