TE RAHOVECI
Muhamed Hasani/ BOROZANI/ Lis Dorambari
Muhamed Hasani pa pushim në fitore
9 October, 2016 @11:34
Basketbollisti me përvojë, Muhamed Hasani, që ka luajtur për disa ekipe të Superligës, por më së shumti për Sigal Prishtinën, mbrëmë ka debutuar si lojtar i ri i Rahovecit në fitore ndaj Kerasanit.
Ajo që vlen të përmendet nga paraqitja e tij në këtë ndeshje është se, Hasani ka fituar besimin e plotë të trajnerit Jeton Nixha dhe 28 vjeçari ka qenë në parket gjatë gjithë ndeshjes.
Hasani nuk ka pushuar asnjë minutë mbrëmë, duke qenë për 40 minuta në lojë. Në këto 40 minuta “Muki’ siç e thërrasin Hasanin ka shënuar 10 pikë, 5 kërcime e 4 asistime në fitoren e parë të Rahovecit në Superligë.
