Titulli mbetet në Prishtinë

Trofeu i Ligës Ballkanike, nuk e ka ndërruar pronarin e tij.

Ai edhe këtë stinor është ngritur nga duart e basketbollistëve të Sigal Prishtinës, e cila ka arritur ta mbrojtë titullin e fituar vitin e kaluar duke e mposhtur në finale pas dy ndeshjeve skuadrën malaziase, Mornar.

Sigal Prishtina ishte më komode në përballjen e sotme, për shkak të fitores me epërsi 14 pikëshe nga ndeshja e parë në Prishtinë.

Megjithatë, malaziasit ishin ata të cilët e filluan më mirë çerekun e parë.

Falë mbrojtjes së fortë gjatë kësaj periudhe, Mornari nuk e lejoi Prishtinën në asnjë çast të kalojë në epërsi, derisa ky çerek përfundoi me rezultat 23-15 në të mirë të vendasve.

Madje, për Prishtinën qysh në këtë periudhë u pa që po e pret një ndeshje shumë e vështirë, pasi njëri ndër lojtarët kryesor të ekipit, Mohamed Abukar, u ndëshkua me gabimin e tretë personal në shtatë minutat e para të ndeshjes.

Mirëpo, pavarësisht kësaj, gjërat ndryshuan në çerekun e dytë. Prishtina, me lojën efikase në sulm të Jason Washburn dhe Dardan Berishës, arriti të dalë në epërsi, ndërsa pjesën e parë e përfundoi me rezultat 35-39 në të mirë të saj.

Me të filluar çereku i tretë, vendasit përsëri kaluan në epërsi, duke e rritur ate deri në 10 pikë në fund të çerekut, 57-47.

Kjo epërsi e malaziasve në dhjetë minutëshin e fundit së pari u zvogëlua deri në 4 pikë, 62-58, e më pas edhe u krijuar seria prej 7-0 e Mornarit, për tu regjistruar epërsia më e lartë e ndeshjes 69-58, kur kishin mbetur vetëm edhe më pak se 2 minuta e gjysmë lojë.

Por në momentet më vendimtare, Prishtina e morri veten duke shënuar gjashtë pikë të njëpasnjëshme nga vija e gjuajtjeve të lira me anë të Washburnit dhe Warrenit, duke e detyruar trajnerin e Mornarit për të kërkuar Time-out dhe njëkohësisht duke siguruar më shumë qetësi për ekipin bardhekaltër në vijim.

Në fund, Prishtina e humbi ndeshjen me rezultat 75-68, por për shkak të fitores në ndeshjen e parë në Prishtinë me 14 pikë epërsi, arriti të shpallet kampione e këtij edicioni.

Statistikat ekipore

	Mornar Bar	Sigal Prishtina
Çereku i parë	23	15
Çereku i dytë	12	24
Çereku i tretë	22	8
Çereku i katërt	18	21
Kërcime	44	36
Asistime	13	12
Bllokada	4	3
Topa të vjedhur	7	8
Topa të humbur	13	16
Tentime për tre pikë	8/30	2/20
Tentime për dy pikë	20/44	22/40
Tentime nga gjuajtjet e lira	11/17	18/19

Statistikat individuale te Mornar Bar

1	Lamont Jones	22 pikë	4 kërcime	3 asitime
2	Balsa Radunovic	20 pikë	6 kërcime	2 bllokada
3	Marko Mugosa	6 pikë	2 kërcime	1 asistim
4	Marko Calic	5 pikë	9 kërcime	2 asistime
5	Robert Sampson	5 pikë	10 kërcime	3 asistime
6	Marko Mijovic	5 pikë	3 kërcime	3 asistime
7	Miroslav Damjanovic	5 pikë	2 kërcime	1 top të vjedhur
8	Milos Lopicic	5 pikë	3 kërcime	-
9	Radoje Vujosevic	2 pikë	5 kërcime	1 bllokadë

Statistikat individuale te Sigal Prishtina

1	Jason Washburn	24 pikë	11 kërcime	3 bllokada
2	Dardan Berisha	15 pikë	5 kërcime	1 asistim
3	Andrew Warren	11 pikë	6 kërcime	-
4	Stanimir Marinov	6 pikë	3 kërcime	3 topa të vjedhura
5	Mohamed Abukar	6 pikë	2 topa të vjedhura	1 kërcim
6	Edmond Azemi	4 pikë	5 kërcime	-
7	Willie Kemp	2 pikë	7 asistime	5 kërcime