Tmusic: Starti jo i mirë ndikoi

Basketbollisti që erdhi këtë stinor te Bashkimi, Mikaile Tmusic, pas ndeshjes së humbur ‘për pak’ mbrëmë nga Kumaova ka thënë se starti jo i mirë i ekipit, ka ndikuar në rezultatin përfundimtar.

“Ne nuk ia nisëm fuqishëm dhe i lamë ata që të krijojnë epërsi të madhe. Pastaj kur u munduam t’i kapim, punët u vështirësuan sepse ata janë ekip me përvojë të madhe,” ka thënë Tmusic, i lindur në Pejë, që luan si lojtar vendor për Bashkimin.

“E vetmja gjë që mund të them ka qenë pozitive në ndeshje, është se kemi dhënë gjithçka nga vetja,” ka thënë playmakeri 23 vjeç.

Bashkimi ende nuk ka shënuar fitore këtë stinor në BIBL.