Minuta e fundit, fatale për Pejën

Peja u kthye nga pragu i një debutimi historik në FIBA Europe Cup.

Verdhezinjtë u mposhtën nga skuadra rumune, Cluj Napoca, në ndeshjen që do ta mund ta fitonin, po qe se do të ishin më të vëmendshëm në minutën e fundit të saj.

Ndeshja ishte kryesisht e barabartë në pjesën e parë, ku epërsia sillej herë te njëra, e herë te tjetra skuadër, derisa në çerekun e tretë pejanët u treguan shumë më të mirë duke krijuar epërsi deri në 13 pikë 45-57.

Por as ky fakt nuk i mjaftoi për fitoren e Pejës, pasi që rumunët filluan ta shkrijnë disavantazhin, e madje edhe duke kaluar në epërsi kur kishin mbetur edhe 3 minuta deri në fund,  71-69.

Megjithatë, fitorja e Clujit u sigurua vetëm në minutën e fundit të ndeshjes, kur edhe ra totalisht përqëndrimi i Pejës.

Edhe 42 sekonda pa mbaruar ndeshja rezultati ishte 76-76, ndërsa më pas gabimet e njëpasnjëshme të basketbollistëve pejanë, ia dhuruan fitoren vendasve.

MË TË DALLUARIT

LaMarcus Reed dhe Mirza Ahmetbasic ishin bartësit e lojës te skuadra pejane. Reed u bë koshashënuesi më i mirë i Pejës me 19 pikë të shënuara, derisa Ahmetbasic kontribuoi me 17 pikë të tjera. Përveç tyre, edhe Austin Tillotson dhe Alban Veseli e përmbyllën takimin me pikë dyshifrore.

Në anën tjetër, te Cluji ishte i pandalshëm Kyndall Dykes, që shkëlqeu duke shënuar 27 pikë. derisa u ndihmua edhe nga Filip Adamovic që e përmbylli këtë takim me 17 pikë.

GJENDJA E GRUPIT

Në ndeshjen tjetër të grupit të Pejës, u takuan skuadra qipriote, AEK dhe ajo turke, Gaziantep.

Në fund, fitores i’u gëzuan Gaziantepi, i cili e mposhti AEK-un me rezultat 86-93, në ndeshjen që u zhvillua në Larnaca të Qipros.

Pas këtyre rezultateve, Cluj merr kryesimin në radhitjen tabelare të grupit G, me pikë të njëjta sikurse Gaziantepi, derisa Peja dhe AEK-u ndajnë dy pozitat e fundit në tabelë.

Ndeshjen e radhës Peja e luan në Karagaç me skuadrën e AEK-ut.

TABELA E GRUPIT

U-BT CLUJ-NAPOCA

PEJA