Prishtina mposhtet bindshëm në Turqi

Sigal Prishtina ka vazhduar me rezultate jo të mira të këtij fillim stinori, duke pësuar nga skuadra turke Demir Insaat me rezultat të thellë 100-58.

Skuadra vendase gjatë gjithë kohës ishte mbizotëruese në lojë dhe ka qenë më e mirë se Prishtina në të gjitha aspektet.

Te Prishtina nuk ka luajtur në këtë ndeshje kroati Goran Vrbanc, për të cilin pritet zyrtarizimi për largim nga skuadra, derisa organizatori Andrew Lawrence megjithëse ishte në përbërje, nuk u paraqit fare në lojë. Ndërkohë, debutimin e realizoi basketbollisti i kombëtares shqiptare, Elvis Dusha.

I vetmi që u mundua të bëjë diç më shumë në këtë ndeshje për Prishtinën ishte maqedonase, Bojan Trajkovski, i cili shënoi 18 pikë, aq sa kishte edhe basketbollisti i Demir Insaat, Caloiaro.

Kjo është humbja e katërt rresht në këtë stinor për Sigal Prishtinën.

GJENDJA E GRUPIT

Në ndeshjen tjetër të grupit, skuadra ruse, Enisey, shënoi fitore si mysafire përballë Rilskit bullgar me rezultat 81-85.

Me këta rezultate, skuadra që e mposhti Sigal Prishtinën, Demir Insaat, merr kryesimin në grup, me pikë të njëjta sikurse edhe ekipi rus, Enisey, derisa Prishtina e Rilski kalojnë pa fitore xhiron e parë.

Pikërisht këto dy skuadra, do të mundohen të shënojnë fitoren e parë në xhiron e dytë në përballjen mes tyre në Prishtinë.

TABELA E GRUPIT H

DEMIR INSAAT

SIGAL PRISHTINA