Valdrin Haxhiu: Dëshira e madhe solli fitoren

Njëri ndër basketbollistët më me përvojë të Trepçës, Valdrin Haxhiu, ka qenë i qartë në deklaratën e tij pas fitores së ekipit ndaj Karpos Sokolit mbrëmë në “Minatori”.

Haxhiu, 191 centimetra i gjatë, ka thënë se ekipi e ka dëshiruar shumë fitoren dhe ajo në fund të ndeshjes është arritur.

“Nëse e krahasojmë Trepçën me Karpos Sokolin është e qartë se ata kanë më shumë përvojë në ndeshje ndërkombëtare,” ka thënë fillimisht 28 vjeçari.

TABELA AKTUALE E BIBL

“Faktori kryesor që solli fitoren tonë ka qenë dëshira e madhe për ta bërë atë. Gjithashtu dëshiroj t’i falenderoj tifozët e ekipit për përkrahjen e tyre përgjatë gjithë ndeshjes,” ka përfunduar Haxhiu, shkruan faqja zyrtare e BIBL sot.

Trepça mbrëmë ka arritur fitoren e parë në një ndeshje ndërkombëtare në histori të klubit. Ndeshja Trepça-Karpos ka qenë e vlefshme për xhiron e dytë të BIBL, ndërsa në të tretin, ekipi mitrovicas është mysafir i Feni Industries.