Veseli: Nuk do të dorëzohemi deri në fund

Basketbollisti i Pejës, Alban Veseli, para ndeshjes debutuese në FIBA Europe Cup, ku verdhezinjtë do të ndeshen me skuadrën rumune Cluj, ka folur për faqen zyrtare të Federatës së Basketbollit të Kosovës.

Veseli, ka thënë se atmosfera te skuadra është e mirë dhe në Rumani shkojnë për të dhënë maksimumin.

“Atmosfera në skuadër është shumë e mirë, sidomos pas serisë pozitive që e kemi pasur këtë edicion. Në ndeshjen kundër Cluj-it pres që të paraqitemi sa më mirë edhe pse kundërshtari është shumë i fortë. Nuk do të jetë lehtë të marrim rezultat pozitiv, por nuk do të dorëzohemi deri në fund. Pavarësisht grupit të vështirë në këtë garë ne do të japim maksimumin që këtë edicion debutues në FIBA Europe Cup të kemi rezultate sa më të mira,” tha Veseli

Ndeshja ndërmjet Pejës dhe Cluj-it do të luhet nesër nga ora 19:30.