TOP 10 performancat në Superligë (VII)

Pas përfundimit të pjesës më të madhe të ndeshjeve të xhiros së shtatë të Superligës së Kosovës në basketboll, Eurobasket ka përzgjedhur lojtarët më të dalluar të xhiros.

Amerikani i Rahovcecit, DeShon Minnis ka pasur paraqitje fantastike në fitoren e ekipit të tij ndaj Lipjanit dhe ka kapur vendin e parë në dhjetëshen më të mirë të javës.

Minnis ka luajtur me 21 pikë e 11 kërcime në fitoren që çoi Rahovecin në vend të parë të Superligës.

I dyti në renditje erdh Jordan Capps i Bashkimit, i cili përkundër humbjes së ekipit, ka pasur paraqitje tepër të mirë ndaj Trepçës. Capps mbylli ndeshjen me 26 pikë, 8 kërcime e 4 asistime.

I treti në renditje ka qenë amerikani i Yllit, që shkëlqey ndaj Boreas. Terrell Everett luajti me 26 pikë e 12 asistime në fitoren e lehtë të ekipit suharekas ndaj pejanëve.

Të tjerët në TOP 10 të xhiros sipas renditjes janë: 4. Mike Martin (Bashkimi), 5. Robert Jones III (Ylli), 6. Romelo Banks (Ylli), 7. Mark Dorris (Trepça), 8. Besnik Azemi (Trepça), 9. Amir Maddred (Rahoveci) dhe 10. Beqë Kovaçi (Borea).