TE KB PENZA E PEJËS
Shtohet një i huaj në Ligë të Parë
5 November, 2018 @19:05
Konkurrenca e madhe mes ekipeve që po kërkojnë Superligën nga Liga e Parë, ka bërë që ekipi i ri pejan në kategorinë e meshkujve, Penza, të paraqet për regjistrim basketbollistin amerikan, Xavier Shamal Richards.
Richards 26 vjeç është organizator, 188 centimetra i gjatë, ndërsa së fundi ka luajtur për ekipin Cabelen në Republikën Dominikane. Ai ka kryer kolegjin Tennessee St në vitin 2016. Ai pritet të ketë të drejtë të loje pas kompletimit të dokumenteve nga ekipi në FBK.
KB Penza që deri këtë stinor ka pasur vetëm ekip të femrave, prej këtij stinori me ekipin e meshkujve po garon në Ligë të Parë dhe aktualisht ka bilanc 3-2 pas 5 xhirove të para. Lider i Ligës së Parë aktualisht është Vëllaznimi me bilanc 4-1.
