TEAM OF THE WEEK
TOP 5-shja e javës në Superligë (19)
13 January, 2020 @11:01
Pas pushimit gati një mujor, Superliga filloi në fundjavën që kaloi.
Pas ndeshjeve të përfunduara të xhiros së 19 në Superligën e Kosovës në basketboll, TopSporti.com ka përzgjedhur pesëshen e javës bazuar në performancat individuale të lojtareve.
Ekipin e javës e përbëjnë: Dardan Berisha (Peja), Ty Nichols (Prizreni), Alban Veseli (Rahoveci), Tamas Bruce (Lipjani) dhe Urim Zenelaj (Prizreni).
Peja e hapi stinorin pranveror me humbje ndaj Prizrenit. I rikthyeri në skuadër Dardan Berisha, ishte më i miri me 35 pikë, 11 kërcime e 6 asistime, por nuk mjaftoi për fitore.
Një fitore të madhe në xhiron e 19 e regjistroi Prizreni, duke e mposhtur Pejën e përforcuar me yllin Dardan Berisha.
Më të mirët te skuadra prizrenase ishin Ty Nichols dhe Urim Zenelaj. Nichols luajti me 19 pikë, 9 asistime, 3 kërcime e 2 bllokada, kurse Zenalaj ishte i pakapshëm me 25 pikë, 19 kërcime e 5 asistime.
Rahoveci për herë të tretë e mposhti Prishtinën në këtë sezon. Në fitoren e vreshtarëve më i dalluari ishte Alban Veseli. Ai luajti me 15 pikë, 10 kërcime, 5 asistime e 4 topa të rrëmbyer.
Befasia e stinorit ndodhi në ndeshjen e fundit të xhiros së 19. Lipjani e mposhti Bashkimin me rezultat 64-83. Më i miri në parket ishte përforcimi i ri Tamas Bruce.
Bruce shkëlqeu me 28 pikë, 24 kërcime, 4 bllokada, 3 asistime e 2 topa të rrëmbyer dhe arriti të hyjë në TOP 5-shen e javës që në ndeshjen e parë të karrierës në Superligë.