TEAM OF THE WEEK 15
TOP 5-shja e javës në Superligë (XV)
22 January, 2019 @21:35
Pas ndeshjeve të përfunduara të xhiros XV të Superligës së Kosovës në basketboll, TopSporti.com ka përzgjedhur pesëshen e javës bazuar në performancat individuale të lojtarëve.
Ekipin e javës e përbëjnë: Elliott Cole (Prizreni), Arian Qallaku (Rahoveci), Alban Veseli (Ylli), Denis Krestinin (Prishtina) dhe Romelo Banks (Ylli).
Elliott Cole, në fitoren e Prizrenit kundër Lipjanit, ishte më i miri i skuadrës me 26 pikë, 6 kërcime e 6 asistime.
Arian Qallaku ishte një asistim larg shifrave magjike triple-double. Ai luajti me 28 pikë, 11 kërcime e 9 asistime në ndeshjen kundër Boreas.
Prishtina e mposhti Trepçën bindshëm me rezultat 105-49. Njëri ndër lojtarët më të dalluar ishte Denis Krestinin, i cili luajti me double-double prej 11 pikëve e 17 kërcime për Prishtinën, e cila është akoma pa humbje këtë sezon.
Te Ylli më i dalluari kundër Bashkimit ishte Alban Veseli. Ai në ndeshjen e parë të tij me skuadrën nga Suhareka, luajti me 26 pikë e 9 kërcme, derisa Albani u ndihmua edhe nga Romelo Banks me 18 pikë e 10 kërcime, për ta kompleuar kështu TOP 5-shen e javës.
