PARA NDESHJES: PRISHTINA - WURZBURG
Foto: fibaeuropecup
Prishtina ndaj liderit të pamposhtur
22 January, 2019 @15:23
Liderja e Superligës së Kosovës në basketboll, Prishtina, nesër mbrëma në Pallatin e Rinisë dhe të Sporteve (19:00) pret ekipin gjerman Wurzburg.
Wurzburg është lider i Grupit I të FIBA Europe Cup dhe nuk është mposhtur ende, derisa udhëheq grupin me bilanc 3-0 nga tre ndeshjet e para.
Dueli i parë mes ekipeve në fjalë i zhvilluar në Gjermani kishte kaluar me fitore 95-77 në të mirë të gjermanëve.
Prishtinës i duhet fitorja për të vazhduar shpresat për raundin tjetër të FIBA Europe Cup, pasi që pas tre ndeshjeve të para kanë bilanc 1-2.
